ନୟାଗଡ଼ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୂଆଗାଁ ବ୍ଲକ ବାହାଡାଝୋଲା ପଞ୍ଚାୟତ ଅନ୍ତର୍ଗତ କାଳିଆମ୍ବା କୃଷକ ଭବନ ପରିସରରେ ଲେମନ ଗ୍ରାସ ଅଏଲ ପ୍ଲାଣ୍ଟ ଉଦଘlଟିତ ହୋଇଯାଇଛି l ସ୍ଥାନୀୟ ଚାଷୀ ସୂର୍ଯ୍ୟ ନାରାୟଣ ସାହୁଙ୍କ ଉଦ୍ୟମରେ ପ୍ରତିଷ୍ଠିତ ଲେମନ ଗ୍ରାସ ଅଏଲ ପ୍ଲାଣ୍ଟକୁ ଆନୁଷ୍ଠାନିକ ଭାବରେ ଉଦଘାଟନ କରିଛନ୍ତି ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା l ନୟାଗଡ଼ ଜିଲ୍ଲାର ଏହା ପ୍ରଥମ ଲେମନଗ୍ରାସ ପ୍ଲାଣ୍ଟେସନ l ଆଗରୁ ଜିଲ୍ଲାର ପ୍ରଥମ କାଜୁ ଫାକ୍ଟ୍ରି, ଲେଆର ଫର୍ମ, ମାଛଚାଷରେ ସଫଳ ହୋଇଥିବା ଆଦର୍ଶ କୃଷକ ସୂର୍ଯ୍ୟ ନାରାୟଣ ସାହୁ ଫାର୍ମିଙ୍ଗ କ୍ଷେତ୍ରରେ ବହୁ ସଫଳତା ପି[ପାଇବା ସହିତ ଅଞ୍ଚଳର ବହୁ ଲୋକଙ୍କୁ ରୋଜଗାର କ୍ଷମ କରି ପାରୁଛନ୍ତି l ସୂର୍ଯ୍ୟ ନାରାୟଣ ସାହୁ ଜିଲ୍ଲାରେ ଆଦର୍ଶ କୃଷକ ମନୋନୀତ ହୋଇ ଜୀବନ ମିତ୍ର ସମ୍ମାନ ପାଇ ଅନ୍ୟ ଚାଷୀ ମାନଙ୍କ ପାଇଁ ଉଦାହରଣ ସୃଷ୍ଟି କରିପାରିଛନ୍ତି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନୟାଗଡ଼ ଜିଲା ବିଜେଡି ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ଲେମନ ଗ୍ରାସ ଅଏଲ ପ୍ଲାଣ୍ଟ କୁ ଉଦଘାଟନ କରିଥିଲେ l ସମ୍ମାନୀତ ଅତିଥି ଭାବେ ନୟାଗଡ଼ ଜିଲା ବନଖଣ୍ଡ ଅଧିକାରୀ ଏଚଡି ଧନରାଜ, ଉଦ୍ୟାନ କୃଷି ଉପ-ନିର୍ଦ୍ଦେଶକ ମୁରଲୀଧର ବେହେରା, ଜଳବିଭାଜିକା ପ୍ରକଳ୍ପ ନିର୍ଦ୍ଦେଶକ ଚନ୍ଦନ କୁମାର ସାହୁ , ଜିଲା ପ୍ରାଣୀ ଚିକିତ୍ସା ଅଧିକାରୀ ମୁରଲୀଧର ବେହେରା ପ୍ରମୁଖ ଉପସ୍ଥିତ ରହିଥିଲେ l
