ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ରେ ବିଜୁ ଜନତା ଦଳର ୨୪ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି . ମାନ୍ୟବର ମୁଖ୍ୟମନ୍ତ୍ରୀ ତଥା ରାଜ୍ୟ ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନିର୍ଦ୍ଧେଶ କ୍ରମେ ସମସ୍ତ କରୋନା କଟକଣା ଅନୁଯାୟୀ ନିରାଡ଼ମ୍ବର ଭାବେ ପ୍ରତିଷ୍ଠା ଦିବସ ପାଳନ କରାଯାଇଛି । କାର୍ଯ୍ୟକ୍ରମରେ ଏଥିରେ ମାନ୍ୟବର ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଜିଲ୍ଲା ସଭାପତି ପ୍ରଦୀପ କୁମାର ନାୟକ, ରାଜକୁମାରି କଲ୍ୟାଣି ଦେବୀ , ବସନ୍ତ କୁମାର ଦାସ ,ନଗର ସଭାପତି ଶ୍ରୀ ସୂର୍ଯ୍ୟ ନାରାୟଣ ରାଜଗୁରୁ, ଲଷ୍ମୀକାନ୍ତ ପରିଛା, ଛାତ୍ର ସଭାପତି ବିଶ୍ଵଜିତ ତ୍ରିପାଠୀ, ମହିଳା ସଭାନେତ୍ରୀ ଶ୍ରୀମତୀ ସଂଯୁକ୍ତା ବେହେରା ଙ୍କ ସମେତ ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର ସମସ୍ତ ତୁଙ୍ଗ ନେତା ଉପସ୍ଥିତ ଥିଲେ ।
ମାନ୍ୟବର ସାଂସଦ ଶ୍ରୀ ସାହୁ ପ୍ରବାଦ ପୁରୁଷ ବିଜୁ ବାବୁଙ୍କ ସ୍ମୃତିଚାରଣ କରିବା ସହ ବିକାଶ ପୁରୁଷ ନବୀନ ବାବୁଙ୍କ ବିଭିନ୍ନ ଲୋକାଭିମୁଖୀ ଯୋଜନା ଉପରେ ଆଲୋକପାତ କରିଥିଲେ ଓ ଆଗାମୀ ଦିନରେ ଗଜପତି ଜିଲ୍ଲାରେ ସଙ୍ଗଠନକୁ ମଜବୁତ କରିବା ଉପରେ ଗୁରୁତ୍ୱାରୋପ କରିଥିଲେ । ଆଗାମୀ ଦିନରେ ସଂଗଠନ କୁ ଗୁରୁତ୍ୱ ଦେବା ସହ ଜିଲ୍ଲାରେ ସମସ୍ତେ ଏକ ମନପ୍ରାଣ
ହୋଇ କାର୍ଯ୍ୟ କଲେ ମ୍ୟୁନିସିପାଲଟି , ଅରବାନ ବ୍ୟାଙ୍କ ଏବଂ ପଞ୍ଚାୟତ ନିର୍ବାଚନ ବିଜେଡ଼ି ହାତେଇବା ନିଶ୍ଚିତ ବୋଲି କହିଥିଲେ । କାର୍ଯ୍ୟକ୍ରମ ଆରମ୍ଭ ହୋଇଥିଲା ବିଜୁବାବୁଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ, ପାରଳା ମହାରାଜା ସ୍ୱର୍ଗତ କୃଷ୍ଣଚନ୍ଦ୍ର ଗଜପତି ଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଫଳ ବଣ୍ଟନ, ନବଜୀବନ ଅରଫାନ ହୋମ ରେ ପିଲା ମାନଙ୍କୁ ଖାତା ଓ କଲମ ବଣ୍ଟନ ଓ ସେମାନଙ୍କ ସହ ମିଶି ଭୋଜନ କରିଥିଲେ ସମସ୍ତ ନେତା ଓ କର୍ମୀ ।
