ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ସହର ମଧ୍ୟରେ ଥିବା ଗୋପବନ୍ଧୁ ଟାଉନ ହଲ ପରିସରରେ ସଂଧ୍ୟାତାରା ସାହିତ୍ୟ ସଂସଦର ୪୨ ତମ ବାର୍ଷିକ ଉତ୍ସବ ପାଳିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମରେ ଓଡିଶା ତଥା ଓଡିଶା ବାହାରୁ ଅନେକ କବି ଯୋଗ ଦେଇଥିଲେ । ଆଜିର ଏହି ଉତ୍ସବରେ ମୁଖ୍ୟ ବକ୍ତା ଭାବରେ ଡାକ୍ତର କୁମାରବର ଦାସ, ମୁଖ୍ୟ ଅତିଥି ରୂପେ ଜୟନ୍ତ ମହାପାତ୍ର ଏବଂ ସଭାପତି ଭବାନୀ ଶଙ୍କର ମିଶ୍ର ଯୋଗ ଦେଇଥିଲେ । ପ୍ରଥମେ ସ୍ୱାଗତ ସଙ୍ଗୀତ ଗାନ କରାଯାଇ କାର୍ଯ୍ୟକ୍ରମ କୁ ଆରମ୍ଭ କରାଯାଇଥିଲା । ଉତ୍ସବ ଅବସରରେ କବି ମାନଙ୍କୁ ସମ୍ମାନୀତ ଏବଂ ସମ୍ବର୍ଦ୍ଧନା କରାଯିବା ସହିତ ଅତିଥି ମାନଙ୍କ ଦ୍ୱାରା ବାର୍ଷିକ ମୁଖପତ୍ର “ସଂଧ୍ୟାତାରା” ଉନ୍ମୋଚନ କରାଯାଇଥିଲା ।
