ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ଜନସେବା ପାଇଁ ନିଆରା ପ୍ରୟାସ କରି ସାଧାରଣରେ ପ୍ରଶଂସା ର ପାତ୍ର ହୋଇଛନ୍ତି ଭାଟସାହି ପଞ୍ଚାୟତ ସରପଞ୍ଚ କିଶୋର ଚନ୍ଦ୍ର ସାହୁ । ନିଜ ମାଆ ଙ୍କ ନାମାନୁସାରେ ତଅପୋଇ ଆମ୍ବୁଲାନ୍ସ ସେବା ଆରମ୍ଭ କରିଛନ୍ତି ସରପଞ୍ଚ । ଜନସାଧାରଣ କେବଳ ତେଲ ପକାଇ ଏହି ଆମ୍ବୁଲାନ୍ସ ସେବା ପାଇପାରିବେ । ଆମ୍ବୁଲାନ୍ସର ଲୋକାର୍ପଣ ଅବସରରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ତଥା ମନ୍ତ୍ରୀ ଡ.ଅରୁଣ କୁମାର ସାହୁ ଯୋଗଦେଇ ପତାକା ଦେଖାଇ ଆମ୍ବୁଲାନ୍ସ ସେବା ର ଉଦଘାଟନ କରିଥିଲେ ।
ସରପଞ୍ଚଙ୍କର ମାଆ ଙ୍କ ପ୍ରତି ଭଲପାଇବା ଓ ଜନସାଧାରଣଙ୍କ ପ୍ରତି ନିଷ୍ଠାପର ସେବା ର ମନୋଭାବ କୁ ପ୍ରଶଂସା କରିଥିଲେ ମନ୍ତ୍ରୀ ଶ୍ରୀଯୁକ୍ତ ସାହୁ । ସ୍ଥାନୀୟ ଅଞ୍ଚଳର ଜନସାଧାରଣ ସରପଞ୍ଚ କିଶୋର ଚନ୍ଦ୍ର ସାହୁ ଙ୍କର ସମାଜସେବା ର ମନୋଭାବକୁ ପ୍ରଶଂସା କରିଛନ୍ତି । ଆଗାମୀ ଦିନ ମାନଙ୍କରେ ଜନସାଧାରଣଙ୍କ ସେବାରେ ନିଜକୁ ସମ୍ପୁର୍ଣ୍ଣ ସମର୍ପଣ କରି ରଖିବାକୁ ସରପଞ୍ଚ କିଶୋର ଚନ୍ଦ୍ର ସାହୁ ପ୍ରକାଶ କରିଛନ୍ତି ।
