ପୁରୀ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଅସହାୟ ବୁଲା ଗାଈ, ଷଣ୍ଢ,ମାଙ୍କଡ଼ ଓ କୁକୁର ମାନଙ୍କ ଭଳି ପଶୁ ମାନଙ୍କ ଭୋକିଲା ପେଟକୁ ଖାଦ୍ୟ ଯୋଗାଇବା ପାଇଁ, ଜଗତର ନାଥ ଜଗନ୍ନାଥଙ୍କ ମନ୍ଦିର ପାଖ ‘ବାଲି ସାହି’ ଠାରେ ଆରମ୍ଭ ହେଲା ରୁଟି ବ୍ୟାଙ୍କ । ଯୁବ ସମାଜିକ କର୍ମୀ ତଥା ବଡ଼ ଠାକୁରଙ୍କ ସେବକ ସୁଜିତ କୁମାର ମୁଦୁଲିଙ୍କ ଆହ୍ୱାନ କ୍ରମେ, ବାଲିସାହିର ଭଣ୍ଡାରୀ ଗଳି ଓ ରାଧାନାଥ ମଠ ପାଖରେ ଆରମ୍ଭ ହେଲା ରୁଟି ବ୍ୟାଙ୍କ ।
ଏହି ମହତ କାର୍ଯ୍ୟକ୍ରମରେ ମନୋଜ ରାଉଳ, ଦେବ ପ୍ରସାଦ ମହାନ୍ତି, ଶାନ୍ତି ସମ୍ପଦ ତ୍ରିପାଠୀ, ଜିତେନ୍ଦ୍ର ମୁଦୁଲି, ଆନନ୍ଦ ସ୍ୱାଇଁ, ଶୁଭମ ପ୍ରଧାନ, ଚୈତନ ଦାଶ ଓ ମୁକେଶ କୁମାର ସାହୁ ପ୍ରମୁଖ ଉପସ୍ଥିତ ରହିଥିଲେ । ଆଗାମୀ ଦିନରେ ପୁରୀ ସହରର ସବୁ ସ୍ଥାନରେ ଏହିଭଳି ରୁଟି ବ୍ୟାଙ୍କ ସ୍ଥାପନ କରାଯାଇ, ଅସହାୟ ବୁଲା ଗାଈ, ଷଣ୍ଢ,ମାଙ୍କଡ଼ ଓ କୁକୁର ମାନଙ୍କ ଭଳି ପଶୁ ମାନଙ୍କ ଭୋକିଲା ପେଟକୁ ଖାଦ୍ୟ ଯୋଗାଇ ଦିଆଯିବ ବୋଲି ସୂଚନା ଦେଇଛନ୍ତି ,ପୁରୀ ଜିଲ୍ଲାରେ ରୁଟି ବ୍ୟାଙ୍କର ଆବାହକ ତଥା ସମାଜିକ କର୍ମୀ ସୁଜିତ ମୁଦୁଲି ।
