ଗଜପତି ଜିଲ୍ଲାର ଆଲୋକ କୁମାର ବୋଷ “ଶ୍ରେଷ୍ଠ ସାମାଜିକ କର୍ମୀ-୨୦୨୧”
ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଆନ୍ତର୍ଜାତିକ ମାନବ ଅଧିକାର କାଉନସିଲ ର ଓଡିଶା ରାଜ୍ୟ ସଭାପତି ଆଲୋକ କୁମାର ବୋଷ ଙ୍କୁ ମିଳିଲା ସମ୍ମାନଜନକ “ଶ୍ରେଷ୍ଠ ସାମାଜିକ କର୍ମୀ-୨୦୨୧” ପୁରସ୍କାର । ଚେନାଇର କୋୟାମ୍ବଡୁ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆନ୍ତର୍ଜାତିକ କାଲାମସ୍ ସ୍ୱର୍ଣ୍ଣ ପୁରସ୍କାର ର ପ୍ରତିଷ୍ଠାତା ଡା.ଟି କୁମାର ରାୱେଲଙ୍କ ଦ୍ୱାରା ଆଲୋକ କୁମାର ବୋଷଙ୍କୁ ପ୍ରଦାନ କରାଯାଇଛି ଏହି ମର୍ଯ୍ୟାଦାଜନକ ସମ୍ମାନ , ଯାହାକି ଗଜପତି ଜିଲ୍ଲା ପାଇଁ ଗୌରବ ଆଣିଦେଇଛି ।
କାର୍ଯ୍ୟକ୍ରମ ଅବସରରେ ମାନପତ୍ର , ମେଡାଲ , ମୋମେଣ୍ଟ , ସବୁ ଦିନ ବ୍ୟବହାର ଉପଯୋଗୀ ବ୍ୟାଜ୍ ପ୍ରଦାନ କରାଯାଇଛି । ଫେବୃଆରୀ ୨୦୨୧ ଏକ ସ୍ୱତନ୍ତ୍ର ମହୋତ୍ସବରେ କୋଭିଡ୍ କଟକଣା ଯୋଗୁଁ ଶ୍ରୀ ବୋଷ ଅନୁପସ୍ଥିତ ରହିବା ଯୋଗୁଁ ଡାକ ଯୋଗେ ତାଙ୍କୁ ଏହା ମହାର୍ଘ୍ୟ ସମ୍ମାନ ପଠାଯାଇଛି ।
ଏହା ପୂର୍ବରୁ ପଶ୍ଚିମବଙ୍ଗ , କଲିକତା ଠାରେ ନେତାଜୀ ସାହାସିକତା ସମ୍ମାନ -୨୦୨୧ , କରୋନା ଯୋଦ୍ଧା ସମ୍ମାନ ୨୦୨୦ ଏବଂ ୨୦୨୧ ଭୁବନେଶ୍ୱର ଠାରେ ଚେୟାର ପରସନ୍ ଡା.ସନ୍ନି ସାହଙ୍କ ଠାରୁ ଶ୍ରୀ ବୋଷ ପୁରସ୍କୃତ ହୋଇଛନ୍ତି । ଏହି ବିରଳ ପୁରସ୍କାର ପ୍ରାପ୍ତି ପରେ ପାରଳାଖେମୁଣ୍ଡି ଓ ଗଜପତି ଜିଲ୍ଲାର ଜନସାଧାରଣ ଙ୍କ ନିକଟରୁ ଶୁଭେଚ୍ଛା ପ୍ରଶଂସାର ସୁଅ ଛୁଟିଛି ।
