ନରସିଂହପୁର ( ଆୱାଜ ମିଡ଼ିଆ ) – ଗୋପାଳ ଚନ୍ଦ୍ର ବେହେରା : କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ନିଜିଗଡର ଦୋଳମଣ୍ଡପ ସାହିରେ ସର୍ଟ ସର୍କିଟ କାରଣରୁ ଅଗ୍ନିକାଣ୍ଡ ଘଟିଥିବାର ଜଣାଯାଇଛି । ସାହିର ସତ୍ୟବାଦୀ ସାହୁ ଙ୍କ ଘରେ ସର୍ଟ ସର୍କିଟ ହୋଇଯିବାରୁ ତାଙ୍କ ଘରେ ଥିବା ସମସ୍ତ ଆସବାବ ପତ୍ର ସହିତ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଯାଇଛି । ବିଶେଷ କରି ଅମଳ କରି ଘରେ ରଖିଥିବା ଧାନ ବସ୍ତା ଗୁଡିକ ଜଳି ପୋଡି ନଷ୍ଟ ହୋଇ ଯାଇଥିବା ବେଳେ ଆବଶ୍ୟକୀୟ ସମସ୍ତ ଜିନିଷ ପତ୍ର ଜଳି ଯାଇଛି । ଘଟଣା ସ୍ଥଳରେ ନରସିଂହପୁର ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା . ଅଗ୍ନିକାଣ୍ଡ ର ଖବର ପାଇ ନରସିଂହପୁର ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ମିଶ୍ର ପହଞ୍ଚି ଅଗ୍ନି ବିପନ୍ନ ପରିବାରକୁ ସାନ୍ତ୍ୱନା ଦେବା ସହିତ ସରକାରୀ ସୁବିଧା ସୁଯୋଗ ଯୋଗାଇ ଦେବାକୁ ବ୍ଲକ ପ୍ରଶାସନ କୁ କହିଛନ୍ତି । ନରସିଂହପୁର ସାମ୍ବାଦିକ ସଂଘର ସମସ୍ତ କର୍ମକର୍ତ୍ତା ସେଠାରେ ପହଞ୍ଚି ଅଗ୍ନି ବିପନ୍ନ ଙ୍କୁ ସୁରକ୍ଷିତ ସ୍ଥାନକୁ ଆଣିବାରେ ସାହାଯ୍ୟ କରିଥିଲେ । ନିଜିଗଡ଼ ସରପଞ୍ଚ ପ୍ରଭାକର ମିଶ୍ରଙ୍କ ସମେତ ନରସିଂହପୁର ରାଜସ୍ୱ ଅଧିକାରୀ ଘଟଣାସ୍ଥଳରେ ଉପସ୍ଥିତ ରହି ଖାଦ୍ୟର ବ୍ୟବସ୍ଥା କରିଛନ୍ତି ।
