ପିପିଲି ( ଆୱାଜ ମିଡ଼ିଆ ) – ସ୍ୱାତୀ ସୁଚରିତ ସାହୁ : ପିପିଲି ଉପ ନିର୍ବାଚନ ପାଇଁ ନିଜର ପ୍ରାର୍ଥୀ ଘୋଷଣା କରିଛି ଭାରତୀୟ ଜନତା ପାର୍ଟି . ଗତ ସାଧାରଣ ନିର୍ବାଚନରେ ଦଳ ତରଫରୁ ଲଢ଼ିଥିବା ଆଶ୍ରିତ ପଟ୍ଟନାୟକଙ୍କୁ ଦଳୀୟ ପ୍ରାର୍ଥୀ ଭାବରେ ଘୋଷଣା କରିଛି କେନ୍ଦ୍ରୀୟ କମିଟି .
ଉପ ନିର୍ବାଚନ ତାରିଖ ଘୋଷଣା ହେବା ପରେ ପିପିଲିରୁ ଆରମ୍ଭ କରି ରାଜଧାନୀ ପର୍ଯ୍ୟନ୍ତ ଜୋର ଧରିଛି ରାଜନୀତି ଚର୍ଚ୍ଚା . ଗୁରୁବାର ସନ୍ଧ୍ୟାରେ ବିଜେପି ତାର ଦଳୀୟ ପ୍ରାର୍ଥୀଙ୍କ ନାମ ଘୋଷଣା କରିବା ପରେ ଏବେ ସମସ୍ତଙ୍କ ନଜର ବିଜେଡି ଶିବିର ଉପରେ . ପିପିଲି ସିଟ ପାଇଁ କଂଗ୍ରେସ ର ପ୍ରାର୍ଥୀ ଆପାତତଃ ସ୍ଥିର ହୋଇଥିବା ବେଳେ କୌଣସି ମୁହୂର୍ତ୍ତରେ ଘୋଷଣା ହୋଇପାରେ . ତେବେ ବିଜେଡି ରୁ କିଏ ତାହା ଏବେ ବି ସସ୍ପେନସ ହୋଇରହିଛି . ସୂତ୍ର ଅନୁସାରେ ସ୍ଵର୍ଗତ ମହାରଥୀଙ୍କ ପୁଅ ରୁଦ୍ର ଦୌଡରେ ଆଗରେ ଅଛନ୍ତି . ତେବେ ପିପିଲି ବିଜେଡି ର ଅନ୍ୟ ଏକ ଗୋଷ୍ଠୀ ପ୍ରତିଭା ମହାରଥୀଙ୍କୁ ପ୍ରାର୍ଥୀ କରିବା ପାଇଁ ସ୍ୱର ଉଠାଇବା ପରେ ଏବେ ସୁପ୍ରିମୋଙ୍କ ନିଷ୍ପତ୍ତି ଉପରେ ସଭିଙ୍କ ନଜର .
