ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ଜିଲ୍ଲାରେ ଅବସ୍ଥିତ ପ୍ରଭାଗୀୟ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ ପରିସରରେ ୭୨ ତମ ବନ ମହୋତ୍ସବ ପାଳନ ଅବସରରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ବୃକ୍ଷ ରୋପଣ କାର୍ଯ୍ୟକ୍ରମରେ କାର୍ଯ୍ୟାଳୟର ସମସ୍ତ କର୍ମଚାରୀ ତଥା କୋଠବାଡି ଓ ଅନ୍ୟାନ୍ୟ ନିର୍ମାଣ ଶ୍ରମିକ କଲ୍ୟାଣ ବୋର୍ଡର କର୍ମଚାରୀ ମାନେ ଉତ୍ସାହ ସହିତ ସହଯୋଗ କରି ବୃକ୍ଷ ରୋପଣ କରିଥିଲେ ।
“ ବୃକ୍ଷ ହିଁ ଜୀବନ ଓ ଭବିଷ୍ୟତ ପାଇଁ ଏକମାତ୍ର ବିକଳ୍ପ ଏହାକୁ ସଂକଳ୍ପ ଭାବେ ଗ୍ରହଣ କରି ବୃକ୍ଷ ରୋପଣ କାର୍ଯ୍ୟକ୍ରମକୁ ଏକ ବିପ୍ଳବର ରୂପ ଦେବା ପାଇଁ ସତ୍ୟନାରାୟଣ ଆଚାର୍ଯ୍ୟ ଜିଲ୍ଲା ଶ୍ରମ ଅଧୁକାରୀ ଆହ୍ୱାନ ଦେଇଥିଲେ । ଏହି କାର୍ଯ୍ୟକ୍ରମ ଶେଷରେ ଗ୍ରାମୀଣ ଶ୍ରମ ନିରିକ୍ଷକ ହଳଧର ବରାଳ ଓ ରଶ୍ମି ରଞ୍ଜନ ବରାଳ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମଟିକୁ WC ଭାରତ ଭୂଷଣ ଶତପଥୀ , ଡିଇଓ ବିଜୟ ବରାଳ ଓ ସୁବ୍ରତ କୁମାର ଜେନା ସୁଚାରୁ ରୂପେ ସଂଯୋଜନା କରିଥିଲେ ।
