କଟକ ( ଆୱାଜ ମିଡ଼ିଆ ) – ପ୍ରିୟବ୍ରତ ପଟ୍ଟନାୟକ : କଟକ ସଦର ବ୍ଲକର ଅଗ୍ରଣୀ ସାମାଜିକ ସଂଗଠନ ଉତ୍କଳ ବିକାଶ ପରିଷଦ ପକ୍ଷରୁ ଆରମ୍ଭ ହୋଇଥିବା “ଗୋଟିଏ ବୃକ୍ଷ ଗୋଟିଏ ଜୀବନ ” ଅଭିଯାନରେ କନ୍ଦରପୁର ମହାବିଦ୍ୟାଳୟର ଛାତ୍ରମାନେ ସାମିଲ ହୋଇଛନ୍ତି . କନ୍ଦରପୁର ପଞ୍ଚାୟତ ବାମ୍ବୁରୀ ଗ୍ରାମର ହନୁମାନ ମନ୍ଦିର, ଦଧିବାମନଜୀଉ ମଠ, ରାସ୍ତାପାର୍ଶ୍ଵ ଏବଂ ମହାବିଦ୍ୟାଳୟ ନିକଟସ୍ଥ ପଡିଆ ଆଦି ବହୁ ସ୍ଥାନରେ ବୃକ୍ଷ ରୋପଣ କରିଛନ୍ତି । ସଭାପତି ଇଂ.ପ୍ରକାଶ ଚନ୍ଦ୍ର ସେଠୀଙ୍କ ଆହ୍ୱାନ କ୍ରମେ ଏହି ସେବାକାର୍ଯ୍ୟରେ ସାଗର ବେହେରା, ଅମିତ୍ ବେହେରା , ଦେବାଶିଷ ବେହେରା, ବିଗ୍ନେଶ୍ ବଡି, ସୁମନ ଜେନା, ସନ୍ତୋଷ ମହାପାତ୍ର, ବିଶ୍ୱଜିତ୍ ନାୟକ, ଚନ୍ଦନ ରାଉତ, ଆଶୀର୍ବାଦ ପ୍ରଧାନ, ବିଶ୍ୱଜିତ୍ ଭୋଇ ପ୍ରମୁଖ ଛାତ୍ର ଉପସ୍ଥିତ ରହି ୫୦ରୁ ଉର୍ଦ୍ଧ୍ୱ ଚାରା ରୋପଣ କରିଥିଲେ ।
