ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ବିଗତ ଦିନରେ ସୁକିନ୍ଦା ନିର୍ବାଚନ ମଣ୍ଡଳୀରେ ରାଜନୀତିରେ ହଟଚମକ ସୃଷ୍ଟି କରିଥିବା ଅମଳେନ୍ଦୁ ବେହୁରା ଦୀର୍ଘ ୭ ବର୍ଷ ପରେ ଭାଙ୍ଗିଛନ୍ତି ରାଜନୈତିକ ନୀରବତା . ଅମଳେନ୍ଦୁ ବେହୁରାଙ୍କ ବନ୍ଧୁ ମିଳନ କାର୍ଯ୍ୟକ୍ରମକୁ ନେଇ ସୁକିନ୍ଦା ରାଜନୀତି ହୋଇ ଉଠିଛି ଚଳଚଞ୍ଚଳ । ଗତ ୭ ବର୍ଷ ରାଜନୀତି କାର୍ଯ୍ୟରେ ସେତେଟା ସକ୍ରିୟ ନ ଥିବା ବେଳେ ହଠାତ ଅମଳେନ୍ଦୁ ବେହୁରା ସୁକିନ୍ଦା ନିର୍ଵାଚନ ମଣ୍ଡଳୀରେ ତାଙ୍କର ନିଜସ୍ୱ ସମ୍ପର୍କରେ ଥିବା ବହୁ ପୁରୁଖା ପୁରୁଖା ରାଜନୈତିକ ବ୍ୟକ୍ତିଙ୍କୁ ଡକାଇ ସୁକିନ୍ଦା ସ୍ଥିତ ନିଜ କାର୍ଯ୍ୟାଳୟ ପରିସରରରେ ଏକ ବନ୍ଧୁମିଳନ କାର୍ଯ୍ୟକ୍ରମ ଆୟୋଜନ କରିଥିଲେ । ପୁନର୍ବାର ଅମଳେନ୍ଦୁଙ୍କର ଏପରି ଏକତ୍ରିକରଣ କାର୍ଯ୍ୟକ୍ରମ ଦେଖି ବିଭିନ୍ନ ରାଜନୈତିକ ଦଳରେ ଚର୍ଚ୍ଚା ଆଲୋଚନା ସୃଷ୍ଟି ହେଉଥିବା ସୂଚନା ମିଳୁଛି ।
