ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ମାଟିର ଗର୍ବ ଓ ଗୈାରବ , ନୟାଗଡ଼ ର ରାଜକୁମାର ତଥା ପୁର୍ବତନ କନ୍ଧମାଳ ସାଂସଦ ସ୍ୱର୍ଗତ ହେମେନ୍ଦ୍ର ଚନ୍ଦ୍ର ସିଂହଙ୍କର ସପ୍ତମ ଶ୍ରାଦ୍ଧ ବାର୍ଷିକୀ ପାଳିତ ହୋଇଯାଇଛି । ସ୍ୱର୍ଗତ ସିଂହଙ୍କୁ ସ୍ଵର୍ଗବାସ ହେବାର ଦିର୍ଘ ସାତ ବର୍ଷ ବିତି ଯାଇଥିଲେ ମଧ୍ୟ ଆଜି ବି ନୟାଗଡ଼ ଜନସାଧାରଣ ଙ୍କ ମନ ଭିତରେ ସେ ଜୀବିତ ଅଛନ୍ତି । ଅଭାବ ଅସୁବିଧା ସମୟରେ ଲୋକଙ୍କ ପାଖକୁ ନିଜେ ଯାଇ ସାହାଯ୍ୟ ସହଯୋଗ କରିବା ସହିତ ନୟାଗଡ଼ ରୁ ଦୁର୍ନୀତି ଭ୍ରଷ୍ଟାଚାର ମୁଳୋତ୍ପାଟନ କରି ନୂତନ ନୟାଗଡ଼ ଗଢିତୋଳିବା ର ପ୍ରୟାସ ଶ୍ରୀଯୁକ୍ତ ସିଂହ ଙ୍କୁ ଜନସାଧାରଣ ଆଜି ବି ଅମର କରି ରଖିଛି । ସପ୍ତମ ଶ୍ରାଦ୍ଧ ବାର୍ଷିକୀ ଅବସରରେ ନୟାଗଡ଼ର ବହୁ ବୁଦ୍ଧିଜୀବୀ, ସମାଜସେବୀ ଏବଂ ବହୁ ସାଧାରଣ ଜନତା ତାଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟ ଅର୍ପଣ ସହ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତିି । ଏହି ଅବସରରେ ନୟାଗଡ଼ ର ସେବା ଅନୁଷ୍ଠାନ, ନେତାଜୀ ସୁବାଷ ବୋଷ ଆଶ୍ରମ, ସୋଲପଟା ମହର୍ଷି ଦୟାନନ୍ଦ ଟ୍ରଷ୍ଟ ଏବଂ ଓଡ଼ଗାଁ , ନୟାଗଡ଼ ର ବିଭିନ୍ନ ସ୍ଥାନରେ ସ୍ଥାନରେ ସ୍ୱର୍ଗତ ସିଂହଙ୍କ ସପ୍ତମ ଶ୍ରାଦ୍ଧ ବାର୍ଷିକୀ ପାଳନ କରାଯିବା ସହ ବିଭିନ୍ନ ସ୍ଥାନରେ ଅନାଥ ଆଶ୍ରମ ଓ ବୃଦ୍ଧାଶ୍ରମ ମାନଙ୍କରେ ପ୍ରସାଦ ସେବନ ବ୍ୟବସ୍ଥା କରାଯାଇଥିଲା ।
