ଭୁବନେଶ୍ୱର ( ନିରଞ୍ଜନ ସାହୁ ) – ବ୍ୟୁରୋ ରିପୋର୍ଟ : ବାଙ୍କୀ ମାଟିର ଯୁବ ପ୍ରତିଭା ତଥା କବି ସୁଧାକର ମହାନ୍ତିଙ୍କ ରଚିତ କବିତା ସଂକଳନ “ଆଦ୍ୟଧ୍ଵନି” ର ଶୁଭ ଉନ୍ମୋଚନ ହୋଇଯାଇଛି । ବାଙ୍କୀ ବିଧାୟକ ଦେବିରଞ୍ଜନ ତ୍ରିପାଠୀ ଙ୍କ ସରକାରୀ ବାସଭବନରେ ଆୟୋଜିତ ଏକ କାର୍ଯ୍ୟକ୍ରମରେ ପୂର୍ବତନ ସାଂସଦ କବି ଡଃ ପ୍ରସନ୍ନ ପାଟ୍ଟଶାଣୀ ମୁଖ୍ୟ ଅତିଥି ଭାବରେ ଯୋଗଦାନ କରି ପୁସ୍ତକକୁ ଉନ୍ମୋଚନ କରିଥିଲେ । ବାଙ୍କୀ ର ପୂର୍ବତନ ବିଧାୟକ ପ୍ରଭାତ ତ୍ରିପାଠୀଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥି ରୂପେ ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ , ଉତ୍କଳ ବିଶ୍ୱବିଦ୍ୟାଳୟର ପ୍ରଫେସର ତଥା ସୁଲେଖକ ସୁବାଷ ଚନ୍ଦ୍ର ଦାଶ , ପୁସ୍ତକର ପ୍ରକାଶକ ତଥା ପକ୍ଷୀଘର ପ୍ରକାଶନୀର ପରିଚାଳନା ମୁଖ୍ୟ ଯୋଗଦାନ କରିଥିଲେ . ଆଦ୍ୟଧ୍ୱନି ର ସ୍ରଷ୍ଟା କବି ସୁଧାକର ମହାନ୍ତି ବାଙ୍କୀ ମହାବିଦ୍ୟାଳୟରୁ ସଂସ୍କୃତ ସମ୍ମାନରେ ଉତ୍ତୀର୍ଣ୍ଣ ହେବା ପରେ ସଂସ୍କୃତରେ ଏବଂ ଏମଫିଲ ଅଧୁନା ଶିକ୍ଷା ବିଭାଗରେ କାର୍ଯ୍ୟରତ . ପ୍ରାକୃତିକ ପରିବେଶର ପରିବେଷ୍ଟନୀ ତଥା ବାଙ୍କୀର ସମୃଦ୍ଧ ସଂସ୍କୃତି ପରମ୍ପରା ପ୍ରେରଣାର ଉତ୍ସ ବୋଲି ପ୍ରକାଶ କରିଛନ୍ତି କବି ସୁଧାକର ମହାନ୍ତି .
