ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ରୋଟାରୀ କ୍ଲବରେ ଆନ୍ତର୍ଜାତିକ ସାକ୍ଷରତା ଦିବସ ପାଳିତ ହୋଇଯାଇଛି । ଏହି ଅବସରରେ ୫ ଜଣ ଶିକ୍ଷକଙ୍କୁ ଉତ୍କର୍ଷ ଶିକ୍ଷାଦାନ ପାଇଁ ନେସନ ବିଲ୍ଡର ଆୱାର୍ଡ ପ୍ରଦାନ କରାଯାଇଛି । ସମ୍ବର୍ଦ୍ଧିତ ଶିକ୍ଷକ ମାନେ ହେଲେ ଡ.ଗିରିଜା ଶଙ୍କର ମହାପାତ୍ର, ସସ୍ମିତା ଦାସ, ଦୁର୍ଗାକାନ୍ତ ଆଚାର୍ଯ୍ୟ, ରବି ନାରାୟଣ ପାତ୍ର ଏବଂ ବସନ୍ତ କୁମାର ସାହୁ ।
ରୋଟାରୀ କ୍ଲବ ନୟାଗଡ଼ ର ସଭାପତି ରୋଟାରିଆନ ଧିରେନ୍ଦ୍ର ପଟ୍ଟନାୟକଙ୍କ ସଭାପତିତ୍ୱ ରେ ଆୟୋଜିତ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ. ବସନ୍ତ କୁମାର ନାୟକ ଯୋଗଦାନ କରିଥିଲେ । କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ସଂପାଦକ ରୋଟାରିଆନ ମିହିର ରଞ୍ଜନ ନାୟକ, ଅଧ୍ୟାପକ ରୋଟାରିଆନ ପ୍ରସନ୍ନ ବସନ୍ତିଆ, ରୋଟାରିଆନ ପ୍ରବୀର ପୃଷ୍ଟି, କୋଷାଧ୍ୟକ୍ଷ ରୋଟାରିଆନ ଲକ୍ଷ୍ମୀନାରାୟଣ ରଥ ଓ କ୍ଲବର ସମସ୍ତ ସଦସ୍ୟ ମାନେ । ପରିଶେଷରେ ରୋଟାରିଆନ ଆରିଫ ଖାଁ ଧନ୍ୟବାଦ ଅର୍ପଣ କରିଥିଲେ।
