କଟକ ( ଆୱାଜ ମିଡ଼ିଆ ) – ପ୍ରିୟବ୍ରତ ପଟ୍ଟନାୟକ : ଓଟିଭି ଚିଫ ରିପୋର୍ଟର ଅରିନ୍ଦମଙ୍କ ଅକାଳ ବିୟୋଗରେ କମିଶନରେଟ୍ ପୁଲିସ କଟକ ରେଲୱେ ପ୍ରିପେଡ ଅଟୋ ଆସୋସିଏସନର ଶାନ୍ତିପୂର୍ଣ୍ଣ ମହମବତୀ ଶୋଭାଯାତ୍ରା . ଖବର ସଂଗ୍ରହ ସମୟରେ ମହାନଦୀରେ ଦୁର୍ଘଟଣାର ଶୀକାର ହେଲେ ସାମ୍ବାଦିକ ଅରିନ୍ଦମ ଦାସ . ଓଟିଭି ଚିଫ ରିପୋର୍ଟର ତଥା ନିର୍ଭୀକ ସାମ୍ବାଦିକ ଅରିନ୍ଦମ ଦାସ କଟକ ମୁଣ୍ଡଳୀ ସ୍ଥିତ ମହାନଦୀରେ ହାତୀ ନଦୀପାଣିରେ ଭାସିଯିବାର ଏକ ଗୁରୁତ୍ୱପୂର୍ଣ୍ଣ ଖବର ସଂଗ୍ରହ କଲାବେଳେ ଆକସ୍ମିକ ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି । କମିଶନରେଟ୍ ପୁଲିସ କଟକ ରେଲୱେ ପ୍ରିପେଡ ଅଟୋ ଆସୋସିଏସନ ସଭାପତି ଲୋକନାଥ ଲେଙ୍କାଙ୍କ ନେତୃତ୍ବରେ ଏକ ଶାନ୍ତିପୂର୍ଣ୍ଣ ମହମବତୀ ଶୋଭାଯାତ୍ରା କଟକ ରେଲୱେ ଷ୍ଟେସନରୁ ଆରମ୍ଭ ହୋଇ କଲେଜ ଛକ ନେତାଜୀ ସୁବାଷ ବୋଷ ପ୍ରତିମୂର୍ତ୍ତି ପର୍ଯ୍ୟନ୍ତ ଯାଇ ନୀରବ ପ୍ରାର୍ଥନା କରିବା ସହ ସ୍ଵର୍ଗତଃ ଅରିନ୍ଦମ ଦାସଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ । ଏଭଳି ଦୁଃସାହସିକ ସାମ୍ବାଦିକ ହରାଇବା ଓଡ଼ିଶାର ଏକ ଅପୂରଣୀୟ କ୍ଷତି । ସମସ୍ତ ସାମ୍ବାଦିକ ନିଜ ଜୀବନକୁ ପ୍ରଥମେ ସୁରକ୍ଷିତ ରଖି ସମ୍ବାଦ ପରିବେଷଣ ଓ ସଂଗ୍ରହ କରିବା ପାଇଁ ଆସୋସିଏସନ ସଭାପତି ଲୋକନାଥ ଲେଙ୍କା ନିବେଦନ କରିଛନ୍ତି । ଆଜି ଶାନ୍ତିପୂର୍ଣ୍ଣ ମହମବତୀ ଶୋଭାଯାତ୍ରାରେ ବାସୁଦେବ ଦାସ, ସଂଗ୍ରାମ ସିଂ, ବ୍ରହ୍ମାନନ୍ଦ ଟହଲ, ସନ୍ତୋଷ ନାଥ, ବିଜୟ ପୃଷ୍ଟି, ଆରତ ଦାସ, ବିଷ୍ଣୁ ଜାଲି, ସଂଗ୍ରାମ ଦାସ, କାବୁଲା ପାଲ, ଶରତ ଦାସ, ଶେଖ ଜମାଲ୍ଲୁଦିମ, କାହ୍ନା ବେହେରା, ବାବୁ ବେହେରା, ରତ୍ନା ବେହେରା, ଜିତେନ୍ଦ୍ର ଜାଲି, ଜଗନ ଜାଲି, ରୂପେଶ ଦାସ, ରାଜୁ ଜାଲି, ଜଗନ୍ନାଥ ସ୍ଵାଇଁ, ପ୍ରସନ୍ନ ପରିଡା, ଅଭୟ ରାଉତ, ହିଂମାଶୁ ସାହୁ, ଅମୀୟ ଗୌରବ ସାହୁ, ଧନେଶ୍ୱର ବେହେରା ସମେତ ଆସୋସିଏସନର ଅନେକ ସଦସ୍ୟ ଉପସ୍ଥିତ ଥିଲେ ।
