ତାଳଚେର ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ତାଳଚେର ପ୍ରେସ କ୍ଳବ ଠାରେ ଆଜି ନେତାଜୀ ସୁଭାଷ ଚନ୍ଦ୍ର ବୋଷ ଙ୍କ ଦ୍ୱାରା ଗଠିତ ହୋଇଥିବା ଆଜାଦ ହିନ୍ଦ ସରକାରର ୭୮ତମ ଜନ୍ମ ବାର୍ଷିକ ପାଳନ ହୋଇଯାଇଛି । ଏହି ଜନ୍ମ ବାର୍ଷିକ ଉଦେଶ୍ୟରେ ଏକ ଆଲୋଚନା ଚକ୍ର ରଖାଯାଇଥିଲା ଯାହାର ବିଷୟ ବସ୍ତୁ ଥିଲା “ଲୋକଶକ୍ତି ବନାମ କର୍ପୋରେଟରାଜ ଓ କଳାହୀରା ମାଟି ତାଳଚେର ର ପ୍ରଦୂଷଣ ” । ଉପସ୍ଥିତ ବକ୍ତାମାନେ ନିଜ ନିଜ ଢଙ୍ଗରେ ଭାଷଣ ମାଧ୍ୟମରେ କର୍ପୋରେଟରାଜ ବିରୁଦ୍ଧରେ ନିଜର ବକ୍ତବ୍ୟ ପ୍ରଦାନ କରିଥିଲେ । ପାକ୍ଷିକ ସମ୍ବାଦପତ୍ର ଶ୍ରମିକ ବାର୍ତ୍ତାର ସମ୍ପାଦକ ଶ୍ରମିକ ସଂଗଠକ ଅରେନ ପାଣି ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ । ସମ୍ମାନିତ ଅତିଥି ଭାବେ ଓଡ଼ିଆ ଭାଷା ସଂସ୍କୃତି ସୁରକ୍ଷା ଆନ୍ଦୋଳନର ନେତା ପ୍ରଦ୍ୟୁମ୍ନ ଶତପଥୀ , ବିଜୟ ପରିଡା, ପୂର୍ବତନ ବିଧାୟକ କୃଷ୍ଣଚନ୍ଦ୍ର ସଗରିଆ ଓ ନେତାଜୀ ସୁଭାଷ ଜନ୍ମମାଟି ଯାତ୍ରାର ରାଷ୍ଟ୍ରୀୟ ଆବାହକ ଦେବୀ ପ୍ରସାଦ ପୃଷ୍ଟି , ଶିକ୍ଷାବିତ ସୌଭାଗିନୀ ଦାସ , ଯୁବ ସଙ୍ଗଠକ ଜିତେନ୍ଦ୍ର ମହାପାତ୍ର ଓ ଆଇନଜୀବୀ ବାଉରୀ ବନ୍ଧୁ ବେଜ ପ୍ରମୁଖ ଯୋଗଦେଇ ନିଜର ବକ୍ତବ୍ୟ ରଖିଥିଲେ । ଏହି ଅବସରରେ ତାଳଚେର ସଫେଇ କର୍ମୀ ମାନଙ୍କୁ ସ୍ୱଚ୍ଛସାଥୀ ଭାବେ ସମ୍ବର୍ଦ୍ଧିତ କରିବା ସହ ସାମ୍ବାଦିକ ,ସମାଜସେବୀ, ସାହିତ୍ୟକ ଓ କରୋନା ଯୋଦ୍ଧା ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।
