ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ବାଲୁଗାଁ ରାଜପଥ କଢ଼ ଗ୍ରାମ ଛକରେ କିଛି ଯୁବକ ସନ୍ଧ୍ୟା ପରେ ଯୁବତୀଙ୍କୁ ଅଶ୍ଲୀଳ ଇଙ୍ଗିତ କରି ଆସୁଥିଲେ । ଏ ନେଇ ସୋମବାର ଦିନ ଜଣେ ଯୁବତୀ ବାଲୁଗାଁ ଥାନାରେ ଅଭିଯୋଗ କରିଥିଲେ , ମଙ୍ଗଳବାର ଦିନ ପୁଲିସ ଅସାମାଜିକ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୋଗ ମୁତାବକ, ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟସ୍ଥ ଚନ୍ଦ୍ରାପୁଟ ଗ୍ରାମର କିଛି ଯୁବତୀ ପରିବାର ପ୍ରତିପୋଷଣ ନିମନ୍ତେ ବାଲୁଗାଁ ଷ୍ଟାଇଲ ବଜାରରେ କାମ କରିବାକୁ ଦୈନନ୍ଦିନ ଯାଆ ଆସ କରନ୍ତି । ତେବେ ବାଲୁଗାଁ ଥାନା ଅନ୍ତର୍ଗତ ଛେଡା ପଦର ଗ୍ରାମର ଧର୍ମେନ୍ଦ୍ର ଜାଲି ଓ କମଳ ଜାଲି ଗ୍ରାମ ଛକ ନିକଟରେ ଉକ୍ତ ଯୁବତୀ ମାନଙ୍କୁ ଦେଖି ଅଶ୍ଲୀଳ ଇଙ୍ଗିତ କରି ଆସୁଥିଲେ । ଏ ନେଇ ଯୁବତୀ ବାଲୁଗାଁ ଥାନା ଅଧିନ ନାଭାଲ ପାଣ୍ଡିରେ ଏକ ଲିଖିତ ଅଭିଯୋଗ କରିଥିଲେ । ନାଭାଲ ଫାଣ୍ଡି ଅଧିକାରୀ ଦିଲ୍ଲୀପ କୁମାର ସାହୁ ସଦଳବଳେ ଘଟଣା ସ୍ଥଳରେ ପହଞ୍ଚି ଦୁଇ ଅଭିଯୁକ୍ତ ଧର୍ମେନ୍ଦ୍ର ଓ କମଳ କୁ ଗିରଫ କରିଥିବା ବେଳେ ମଙ୍ଗଳବାର ବାଲୁଗାଁ ଥାନାରେ ଏକ ମାମଲା ରୁଜୁ କରି ଉଭୟଙ୍କୁ କୋର୍ଟ ଚାଲାଣ କରିଛନ୍ତି ।
