ରାୟଗଡା ( ଆୱାଜ ମିଡ଼ିଆ ) – ଆଲୋକ ମହାରଣା : ରାୟଗଡା ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଅତିରକ୍ତ ଜିଲ୍ଲାପାଳ ରାମେଶ୍ୱର ପ୍ରଧାନ, ଭାସ୍କର ରୋଇତଙ୍କ ସମେତ କାର୍ଯ୍ୟାଳୟର ସମସ୍ତ କର୍ମଚାରୀଙ୍କ ସମିଳିତ ଉଦ୍ୟମ ଫଳରେ କାର୍ଯ୍ୟଳୟ ପରିସରରେ ଉଠିଥିବା ଅନାବନା ଘାସ , ଏଣେ ତେଣେ ପଡି ଅପରିଷ୍କାର ଦେଖା ଯାଉଥିବା ନୋଇଲା ଆବର୍ଜନା ସବୁ ସଫା କରିଥିଲେ l ଏହି ମଇଳା ଆବର୍ଜନା ଯୋଗୁଁ ବର୍ଷା ଦିନରେ କର୍ମଚାରୀଙ୍କୁ ଓ ଜନସାଧାରଣଙ୍କୁ ଯେପରି ଡେଙ୍ଗୁ, ମେଲେରିଆ ଆଦି ରୋଗ ନହୁଏ ସେଥିପାଇଁ ଆଜିର ଏହି ପ୍ରୟାସ ବୋଲି ଅତିରିକ୍ତ ଜିଲ୍ଲାପାଳ ରାଜସ୍ବ ଶ୍ରୀ ପ୍ରଧାନ କହିଥିବା ବେଳେ ଅତିରିକ୍ତ ଜିଲ୍ଲାପାଳ ଶ୍ରୀ ରୋଇତ କହିଥିଲେ ସଫାସୁତୁରା ରହିବା ସମସ୍ତଙ୍କ ଅଧିକାର ଓ ଦାୟିତ୍ୱ l
ରୋଗ ବ୍ୟାଧି ଯେମିତି ନ ବ୍ୟାପେ ସେଥିପାଇଁ ପରିବେଶ ସଫାସୁତୁରା ନିହାତି ଆବଶ୍ୟକ l ପ୍ରଥମେ ଜିଲ୍ଲା କାର୍ଯ୍ୟାଳୟରୁ ଆରମ୍ଭ ହୋଇଛି ଯାହାକି ପରବର୍ତ୍ତୀ ସମୟରେ ବ୍ଲକ ଓ ଗ୍ରାମ ପଂଚାୟତ ସ୍ତରରେ ମଧ୍ୟ୍ୟ ବ୍ୟାପକ ଭାବେ ସଫାସୁତୁରା କରିବାକୁ ନିର୍ଦେଶ ଦିଆଯିବ ବୋଲି କହିଥିଲେ l ଆଜିର ଏହି ସଫେଇ କାର୍ଯ୍ୟକ୍ରମରେ ଡେପୁଟି କଲେକ୍ଟର ନାରାୟଣ ମିଶ୍ର, ଜିଲ୍ଲା ମୁଖ୍ୟ ଯୋଗାଣ ଅଧିକାରୀ, ଜିଲ୍ଲା ଯୋଗାଣ ଅଧିକାରୀ, ଜିଲ୍ଲା କ୍ରୀଡା ଅଧିକାରୀ ଜନାବ ଶେଖ ଆଲେନୁର, ବଡ଼ବାବୁ ଗି.ସି. ସ୍ୱାଇଁ, ଟୁନା ରଂଗଲି, ବବିତା ପଣ୍ଡା, ରାମକୃଷ୍ଣ ସାହୁ, ସମସ୍ତ ବରିଷ୍ଠ, କନିଷ୍ଠ ରାଜସ୍ୱ ସହାୟକ ଓ ଅନ୍ୟାନ୍ୟ କର୍ମଚାରୀ ଉପସ୍ଥିତ ରହି ସଫେଇ କାର୍ଯ୍ୟରେ ସାମିଲ ହୋଇଥିଲେ l
