ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ପାରଳାଖେମୁଣ୍ଡି ମୁନିସିପାଲିଟିର ୱାର୍ଡ ନଂ ୭ ଓ ୱାର୍ଡ ନଂ ୧୫ରେ ସବୁ ବର୍ଷ ଭଳି ଏବର୍ଷ ଠାକୁରାଣୀ ପର୍ବ ମହା ଆଡ଼ମ୍ବରରେ ପାଳିତ ହୋଇଯାଇଛି । ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ବିଜେଡି ବିଧାୟକ ପ୍ରାର୍ଥୀ ଇଂ. ରୂପେଶ ପାଣିଗ୍ରାହୀଙ୍କ ସମେତ ସ୍ଥାନୀୟ କାଉନସିଲର ଓ ବରିଷ୍ଠ ବିଜେଡି ନେତାମାନେ ଯୋଗ ଦେଇଥିଲେ । ଏହି ଠାକୁରାଣୀ ପର୍ବରେ ବିଜେଡି ବିଧାୟକ ପ୍ରାର୍ଥୀ ଇଂ. ରୂପେଶ ପାଣିଗ୍ରାହୀ ମା’ ଠାକୁରାଣୀଙ୍କୁ ମୁଣ୍ଡରେ ଧାରଣ କରି ଲୋକମାନଙ୍କ ସହ ସାହି ସାହି ବୁଲିଥିଲେ । ଶ୍ରୀ ପାଣିଗ୍ରାହୀ ସମସ୍ତଙ୍କର ମଙ୍ଗଳକାମନା ସହିତ ଅଞ୍ଚଳର ସର୍ବାଙ୍ଗୀନ ଉନ୍ନତି ପାଇଁ ମା’ ଠାକୁରାଣୀଙ୍କ ପାଖରେ ପ୍ରାର୍ଥନା କରିଥିଲେ । ମା’ଙ୍କ ଏହି ପର୍ବରେ ଶତାଧିକ ଲୋକମାନଙ୍କର ସମାଗମ ଦେଖିବାକୁ ମିଳିଥିଲା !
