ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ପବିତ୍ର ଦଶହରା ଅବସରରେ ଅନନ୍ୟା ଫାଉଣ୍ଡେସନ ତରଫରୁ ରନ୍ଧା ଖାଦ୍ୟ ବଣ୍ଟନ କାର୍ଯ୍ୟକ୍ରମ ଜାରି ରହିଛି । ଏହି କାର୍ଯ୍ୟ ନବମୀ ଏବଂ ଦଶମୀ ଦୁଇ ଦିନ ଧରି ଚାଲୁ ରହିଥିବା ବେଳେ ପବିତ୍ର ନବମୀ ତିଥିରେ ନୟାଗଡ଼ ଲେଖନପୁର ସ୍ଥିତ ବୃଦ୍ଧାଶ୍ରମରେ ଅନ୍ତୋବାସୀ ମାନଙ୍କୁ ଖାଦ୍ୟ ବଣ୍ଟନ କରାଯାଇଥିଲା ।
ଦଶହରା ଉପଲକ୍ଷେ ଅନାଥ ଶିଶୁ ମାନଙ୍କୁ ଖାଦ୍ୟ ବଣ୍ଟନ କରାଯିବାର ବ୍ୟବସ୍ଥା କରାଯାଇଥିବା ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି । ସୂଚନାଯୋଗ୍ୟ ନୟାଗଡ ଜିଲ୍ଲାର ଅଗ୍ରଣୀ ସାମାଜିକ ସଂଗଠନ ଅନନ୍ୟ ଫାଉଣ୍ଡେସନ ତରଫରୁ ବିଭିନ୍ନ ଲୋକ କଲ୍ୟାଣକାରୀ କାର୍ଯ୍ୟକ୍ରମ ହାତକୁ ନିଆଯିବା ସହିତ ବିଗତ ଦିନରେ ତାଲାବନ୍ଦ କଟକଣା ସମୟରେ ଗରୀବ ଅସହାୟ ଲୋକମାନଙ୍କୁ ରନ୍ଧା ଓ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା .
