କଟକ ( ଆୱାଜ ମିଡ଼ିଆ ) – ଅମ୍ରିତା ପଟ୍ଟନାୟକ : କଟକ ସହର ବିଡାନାସୀ ନୂଆସାହି ଅଞ୍ଚଳରେ ୨୦୦୦ ମସିହାରେ ଗଠିତ ହୋଇଥିବା ନୂଆସାହି ଯୁବକ ସଂଘ ତରଫରୁ ଦୀର୍ଘ ୨୨ ବର୍ଷ ଧରି ପ୍ରଭୁ ବିଘ୍ନ ବିନାଶକ ଗଜାନନଙ୍କ ପୂଜାର୍ଚନା ନୂଆସାହିର ଯୁବକ ମାନେ ପାଳନ କରି ଆସୁଛନ୍ତି । ଯୁବକ ସଂଘର ସଭାପତି ଶିଶିର କୁମାର ସୁତାର ଓ ସମ୍ପାଦକ ମୃତ୍ୟୁଞ୍ଜୟ ନାୟକଙ୍କ ତତ୍ତ୍ୱାବଧାନରେ କ୍ଲବର ସମସ୍ତ ସଦସ୍ୟ ମାନଙ୍କୁ ନେଇ ଚଳିତ ବର୍ଷ ଗଜାନନ ଙ୍କ ପୂଜା ପାଳନ କରାଯାଇଛି । ଚଳିତ ବର୍ଷ ପ୍ରଥମ ଦିନରେ ମା ସାରଳା ଭଜନ ସମାରୋହ ସହିତ ଉକ୍ତ ଅଞ୍ଚଳର ମୁରବୀ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ପୂଜା କମିଟି ତରଫରୁ ପ୍ରାୟ ୧୫୦୦ ରୁ ଉର୍ଦ୍ଧ ଭକ୍ତ ମାନଙ୍କ ପାଇଁ ପ୍ରସାଦ ସେବନର ବ୍ଯବସ୍ଥା କରାଯାଇଥିଲା । ଦ୍ବିତୀୟ ଦିବସ ଓ ତୃତୀୟ ଦିବସରେ ମନୋରଞ୍ଜନ କାର୍ଯ୍ୟକ୍ରମ ମେଲୋଡି ର ଆୟୋଜନ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜୋନ – ୩ ର ଏସିପି ତାପସ ପ୍ରଧାନ ଯୋଗଦାନ କରିଥିଲେ ! ବିଡାନାସୀ ଥାନା ଅଧିକାରୀ ପ୍ରଦୀପ ନାୟକ , ବିଡାନାସୀ ଗ୍ରାମ୍ଯ କମିଟିର ସନ୍ତୋଷ କୁମାର ଲେଙ୍କା, ସତ୍ୟବ୍ରତ ବେହେରା , ଶରତ ନାୟକ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ ।
