ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ ୮ ନମ୍ବର ୱାର୍ଡ ପାଟଣା ସାହି ଗ୍ରାମରେ କଣ୍ଢେଇ କ୍ଲବ ଆନୁକୁଲ୍ୟରେ ଶୁକ୍ରବାର ଦିନ ମା’ ଜାଗୁଳାଇ ଯାତ୍ରା ମହଲର ପ୍ରଥମ ଅବଦାନ ସାମାଜିକ ନାଟକ “ମିଛୁଆ ରାଧୁଆ ଗପ ସରିଲା” ମଞ୍ଚସ୍ଥ ହୋଇଯାଇଛି । ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ ଚିଲିକା ର ପୂର୍ବତନ ବିଧାୟକ ଶ୍ରୀଯୁକ୍ତ ରଘୁନାଥ ସାହୁ । ସମ୍ମାନିତ ଅତିଥି ଭାବରେ ୭ ନମ୍ବର ୱାର୍ଡ କାଉନସିଲର ଙ୍କ ପ୍ରତିନିଧି ଶେଷଦେବ ବେହେରା, ସମାଜସେବୀ ଧୋବା ବିଶ୍ଵାଳ, ସମାଜସେବୀ ରତ୍ନାକର ବେହେରା ଙ୍କ ସମେତ ଯାତ୍ରା ନିର୍ଦ୍ଦେଶକ ପର୍ଶୁରାମ ସ୍ୱାଇଁ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ କଣ୍ଢେଇ କ୍ଲବର ସମସ୍ତ ସଦସ୍ୟ ପରିଚାଳନା କରିଥିଲେ । ନାଟକରେ ଅଭିନୟ କରିଥିବା ସମସ୍ତ କଳାକାର ନିଖୁଣ ଅଭିନୟ କରିଥିବାର ଦେଖିବାକୁ ମିଳିଥିଲା ।
