ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ପବିତ୍ର ଅକ୍ଷୟ ତୃତୀୟା ଅବସରରେ ରାଜ୍ୟ ବିଜେପି ସଭାପତି ମନମୋହନ ସାମଲଙ୍କୁ ସୁକିନ୍ଦାରେ ଭବ୍ୟ ସମ୍ବର୍ଦ୍ଧନା । ସୁକିନ୍ଦା ଗସ୍ତରେ ଆସିଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ । ଶ୍ରୀ ସାମଲଙ୍କୁ ସୁକିନ୍ଦା ବିଜେପି ନେତା ପ୍ରଦୀପ ବଳସାମନ୍ତ ଓ ଶତାଧିକ ଦଳୀୟ କର୍ମୀ ସୁକିନ୍ଦା ଦଳୀୟ କାର୍ଯ୍ୟଳୟକୁ ପାଛୋଟି ନେଇଥିଲେ । ବିଜେପି ନେତା ପ୍ରଦୀପ ବଳସାମନ୍ତ ରାଜ୍ୟ ସଭାପତିଙ୍କୁ ପିମ୍ପୁଡ଼ିଆ ଠାରେ ହେବାକୁ ଥିବା ସମ୍ବର୍ଦ୍ଧନା ସଭାକୁ ପାଛୋଟି ନେଇଥିଲେ । ଯିବା ରାସ୍ତାରେ ସୁକିନ୍ଦା ବ୍ଲକର ମଠଛକ , କୁହିକା ଓ ପିମ୍ପୁଡ଼ିଆ ଠାରେ ବିଜେପି କର୍ମୀ ମାନେ ମନମୋହନ ସାମଲଙ୍କୁ ଭବ୍ୟ କରିଥିଲେ । ପିମ୍ପୁଡିଆ ଠାରେ ଆୟୋଜିତ ସମ୍ବର୍ଦ୍ଧନା ସଭାରେ ଯୁବନେତା ପୁଷ୍ପକ ମହାପାତ୍ର ମଞ୍ଚ ପରିଚାଳନା କରିଥିବା ବେଳେ ମୁଖ୍ୟ ଅତିଥି ଭାବେ ରାଜ୍ୟ ସଭାପତି ମନମୋହନ ସାମଲ ଯୋଗ ଦେଇଥିଲେ । ଅନ୍ୟତମ ଅତିଥିଭାବେ ବିଜେପି ନେତା ପ୍ରଦୀପ ବଳସାମନ୍ତ ,ଜିଲ୍ଲା ସଭାପତି ଗୌତମ ରାୟ, ରାଜ୍ୟ କାର୍ଯ୍ୟକାରିଣୀ ସଭାପତି ରବିନାରାୟଣ ବେହେରା, ଜିଲ୍ଲା ପ୍ରଭାରୀ ଶାରଦା ପ୍ରସାଦ ଶତପଥୀ, ଅମଳେନ୍ଦୁ ବେହୁରା, ମହିଳା ନେତ୍ରୀ ମନ୍ଦାକିନି ସେଠୀ , ଜିଲ୍ଲା ସାଧାରଣ ସମ୍ପାଦକ ସୁଦୀପ୍ତ ପଣ୍ଡା, ସୁଧାଂଶୁ ଭଞ୍ଜ, ବରିଷ୍ଠ ବିଜେପି ନେତା ପ୍ରଶାନ୍ତ ରାୟ , ପ୍ରତାପ ଧିର , ସ୍ଥାନୀୟ ସରପଞ୍ଚ ତପନ ନାୟକ ଯୋଗ ଦେଇ ରାଜ୍ୟ ସରକାର ଓ ସୁକିନ୍ଦା ବିଧାୟକ ତଥା ମନ୍ତ୍ରୀ ପ୍ରିତିରଞ୍ଜନ ଘଡାଇଙ୍କ ମନମୁଖୀ କାର୍ଯ୍ୟ ଉପରେ ବର୍ଷିଥିଲେ । ଶେଷରେ ପବିତ୍ର ଅକ୍ଷୟ ତୃତୀୟା ଅବସରରେ ରାଜ୍ୟ ସଭାପତି ମନମୋହନ ସାମଲ, ବିଜେପି ନେତା ଡ ପ୍ରଦୀପ ବଳସାମନ୍ତ, ଜିଲ୍ଲା ସଭାପତି ଗୌତମ ରାୟଙ୍କ ଦ୍ଵାର ସ୍ଥାନୀୟ ଚାଷ ଜମିରେ ପୂଜାର୍ଚ୍ଚନା କରାଯିବା ସହିତ ଗୋରୁ ଲଙ୍ଗଳ ସାହାଯ୍ୟରେ ହଳ କରିବା ସହିତ ଅଖି ବିଞ୍ଚିଥିବା ଦେଖିବାକୁ ମିଳିଛି ।
