ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ବିଜୁ ପଟ୍ଟନାୟକଙ୍କ ୧୦୫ ତମ ଜୟନ୍ତୀ ଢେଙ୍କାନାଳ ଜିଲ୍ଲା ବିଜେଡି ମୁଖ୍ୟ କାର୍ଯ୍ୟାଳୟରେ ପାଳିତ ହୋଇଯାଇଛି । ସ୍ୱର୍ଗତ ବିଜୁ ପଟ୍ଟନାୟକଙ୍କ ସ୍ମୃତି ଉଦ୍ଦେଶ୍ୟରେ ତାଙ୍କର ଜୟନ୍ତୀ କୁ ଓଡ଼ିଶାରେ ପଞ୍ଚାୟତରାଜ ଦିବସ ରୂପେ ପାଳନ କରାଯାଇ ଆସୁଅଛି । ବିଜୁ ଜୟନ୍ତୀ ଉପଲକ୍ଷେ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଢେଙ୍କାନାଳ ବିଧାୟକ ସୁଧୀର କୁମାର ସାମଲ, ବିଜେଡି କର୍ମୀ ନବୀନ ଦଳେଇ, ଇନ୍ଦ୍ରମଣି ବେହେରା ଙ୍କ ସମେତ ଅନେକ ବିଜେଡି କର୍ମୀ ଉପସ୍ଥିତ ଇରହି ବିଜୁ ବାବୁଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ । ଦଳର ଦୁଇ ବରିଷ୍ଠ ଦିବଂଗତ ବିଜେଡି କର୍ମୀ କୁନ୍ତଳା ଦଳେଇ ଏବଂ ବାବି ମିଶ୍ର ଙ୍କ ବିୟୋଗରେ 2 ମିନିଟ ପାଇଁ ଶାନ୍ତି ପ୍ରାର୍ଥନା ମଧ୍ୟ କରାଯାଇଥିଲା । ଆଜିର ଏହି ଦିବସ ଉପଲକ୍ଷେ ବିଜୁ ବାବୁଙ୍କ ମହିମା ଏବଂ ଗୌରବ ସମ୍ପର୍କରେ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ନିଜର ମତ ରଖିଥିଲେ । ପରିଶେଷରେ ଯୁବ ନେତା ସୁରଜ ମହାପାତ୍ର ଧନ୍ୟବାଦ ପ୍ରଦାନ କରିଥିଲେ ।
