ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ଡେପୁଟି କଲେକ୍ଟର ଦିଲିପ ସାହୁ ଙ୍କ ବାସଭବନ ରୁ ଚୋରି । ଘଟଣା ରୁ ପ୍ରକାଶ ଡେପୁଟି କଲେକ୍ଟରଙ୍କ ମହର୍ଷି ଲେନ ସ୍ଥିତ ବାସଭବନ ରୁ ଗ୍ୟାସ ଟାଙ୍କି ଚୋରି ଯାଇଛି । ଡେପୁଟି କଲେକ୍ଟରଙ୍କ ପତ୍ନୀ ଅସୁସ୍ଥତା ହେତୁ ଗେଟ୍ ଆଉଜାଇ ଘରେ ବିଶ୍ରାମ ନେଇଥିଲେ । ଏହାର ସୁଯୋଗ ନେଇ କେହି ତାଙ୍କ ଗେଟ ଖୋଲି ଗେଟ୍ ପାଖରେ ଥିବା ଗ୍ୟାସ ଟାଙ୍କି ଟିକୁ ଚୋରିକରି ନେଇଛି । ପାଖ ପଡେ଼ାଶୀଙ୍କ କହିବା ଅନୁସାରେ ଦୁଇଜଣ ଯୁବକ ଏକ ସ୍କୁଟି ଗାଡିରେ ଟାଙ୍କିଟିକୁ ନେଇଥିବା ଦେଖିଛନ୍ତି । ପ୍ରକାଶ ଥାଉକି କିଛି ନିଶାଖୋର ଯୁବକ ନୟାଗଡ଼ ପୁରୁଣା ସହରରେ ଏପରି ବାରମ୍ବାର ଚୋରି କରୁଛନ୍ତି । କାହାଘରୁ ଗ୍ୟାସ ଟାଙ୍କି ତ କାହା ଘରୁ ମୋବାଇଲ, ଲ୍ୟାପଟପ୍ ଆଦି ଚୋରିକରି ନେଉଛନ୍ତି । ଥାନାରେ ଅଭିଯୋଗ କଲେ ମଧ୍ୟ କୈାଣସି ଫଳ ମିଳୁ ନଥିବାରୁ , ଲୋକେ ଅଭିଯୋଗ ମଧ୍ୟ କରୁନାହାନ୍ତି। ଏହି ନିଶାଖୋର ମାନଙ୍କ ଆତଙ୍କରେ ଲୋକମାନେ ଆତଙ୍କିତ ହୋଇ ରହୁଛନ୍ତି । ଏହି ବ୍ରାଉନ ସୁଗାର ଖିଆ ନିଶାଖୋର ଯୁବକ ମାନଙ୍କୁ ଧରି ଦୃଷ୍ଟାନ୍ତମୂଳକ ଦଣ୍ଡ ଦେବାପାଇଁ ସାଧାରଣ ରେ ଦାବି ହେଉଅଛି । ସୂଚନାଯୋଗ୍ୟ , ଗତ କିଛି ଦିନ ତଳେ ଲ୍ୟାପଟପ ଚୋରି କରିଥିବା ଜଣେ ନିଶାଖୋର ଯୁବକକୁ ପୁଲିସ ନେଇ ପଚରାଉଚରା କରିଥିଲେ ବି ଚୋରୀ ସାମଗ୍ରୀ ଉଦ୍ଧାର ହୋଇ ପାରିନଥିଲା . ଏବେ ଖୋଦ ଡେପୁଟି କଲେକ୍ଟର ଙ୍କ ଘରେ ଚୋର ପଶିବା ପରେ ନୟାଗଡ ପୁଲିସ କି ପଦକ୍ଷେପ ନେଉଛି ତାହାକୁ ଅପେକ୍ଷା କରିଛନ୍ତି ସହରବାସୀ .
