କଟକ ( ଆୱାଜ ମିଡ଼ିଆ ) – ସଞ୍ଜୟ ଚକ୍ରବର୍ତ୍ତୀ : ରେଳଯାତ୍ରୀ ମାନଙ୍କର ସୁବିଧା ଓ ସୁରକ୍ଷିତ ଯାତ୍ରା ପ୍ରଦାନ ପାଇଁ ୨୦୧୧ ମସିହାରୁ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଥିଲା ପ୍ରିପେଡ ଅଟୋ ସେବା । ଯେଉଁଥିରେ ଗୋଟିଏ ଅଟୋ ଭଡାରେ ୨ ଟଙ୍କା ଲେଖାଏଁ କାଟି ରଖୁଥିଲା କମିଶନରେଟ ପୋଲିସ । ଏହାର ଲକ୍ଷ ଥିଲା କି ସେହି ଟଙ୍କାରେ ଅସମୟରେ ଅଟୋ ଚାଳକଙ୍କଙ୍କର ମଙ୍ଗଳ ସାଧନ କରାଯାଇପାରିବ । ଅଟୋ ସଂଘର କହିବା ମୁତାବକ ଲକ୍ଷାଧିକ ଟଙ୍କା ବର୍ତ୍ତମାନ ପଡିରହିଛି କମିଶନରେଟ ପୋଲିସ ପାଖରେ । ଅଟୋ ଚାଳକ ସଙ୍ଘ ବର୍ତ୍ତମାନ ଅଭିଯୋଗ କରିଛିକି, ଯେବେଠାରୁ ଲକଡାଉନ ଆରମ୍ଭ ହୋଇଛି ସେବେ ଠାରୁ ପ୍ରିପେଡ ଅଟୋ ଚାଳକ ମାନଙ୍କର ସ୍ଥିତି ଦୟନୀୟ ହୋଇଛି । ନିଜର ପରିବାର ପ୍ରତିପୋଷଣ ସହ ଗାଡି କିସ୍ତି ଦେବା ପାଇଁ ଅସମର୍ଥ ହୋଇପଡିଛନ୍ତି ଅଟୋ ଚାଳକ . ତେଣୁ ଦୀର୍ଘବର୍ଷ ଧରି କମିଶନରେଟ ପୋଲିସ ନିକଟରେ ପଡି ରହିଥିବା ଅର୍ଥରୁ ଦଶ ହଜାର ଟଙ୍କା ଲେଖାଏଁ ଗେଟ ନମ୍ବର ୧ ଅଧୀନରେ ଥିବା ୨୧୦ ପ୍ରିପେଡ ଅଟୋ ଚାଳକଙ୍କୁ ଦେବା ପାଇଁ ନିବେଦନ କରିଛନ୍ତି । ପୂର୍ବରୁ ବହୁ ବାର ନିବେଦନ କରୁଥିଲେ ସୁଦ୍ଧା କେହି କର୍ଣ୍ଣପାତ କରିନାହାନ୍ତି । ତେଣୁ ଶେଷରେ ସଙ୍ଘ ନିଷ୍ପତ୍ତି ନେଇଛି କି ଯଦି ଆସନ୍ତା ୨୩ ତାରିଖ ସୁଦ୍ଧା ଦାବି ରାଶି ପ୍ରଦାନ କରାନଯାଏ, ତେବେ ବାଧ୍ୟ ହୋଇ ୨୩ ତାରିଖରେ ପୋଲିସ କମିଶନରଙ୍କ ଅଫିସ ସମ୍ମୁଖରେ ଅନଶନ କରିବେ ବୋଲି ଚେତାବନୀ ଦେଇଛନ୍ତି।
