ନୟାଗଡ଼ ( ଆୱାଜ ମିଡ଼ିଆ ) – ସଞ୍ଜୀବ ଡାକୁଆ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ କାପ୍ତାପଲ୍ଲୀ ରାସ୍ତାରୁ ଏକ ଅଟୋ ମଧ୍ୟରୁ ଦେଶୀ ମଦ ଜବତ ହୋଇଛି l ସୂଚନା ଅନୁସାରେ, ମହୀପୁର ବନଖଣ୍ଡର ବାହାଡାଝୋଲା ଫରେଷ୍ଟର ସରିତା ବରାଳ ରାତି ପାଖାପାଖି 11ଟା ସମୟରେ କାଠ ମାଫିଆଙ୍କ ଖବର ପାଇ ବାହାଡାଝୋଲା ଠାରୁ କାପ୍ତାପଲ୍ଲୀ ରାସ୍ତାରେ ପେଟ୍ରୋଲିଙ୍ଗ କରୁଥିଲେ l ଏହି ସମୟରେ ସୀମା, ବାମୁରି ରାସ୍ତାରେ ଆସୁଥିବା ଗୋଟିଏ ଅଟୋକୁ ଦେଖି ଅଟକାଇବାରୁ ସେଥିରେ ଦେଶୀ ମଦ ଭର୍ତି ଥିବା ଦେଖିବାକୁ ପାଇଥିଲେ l ଗାଡିକୁ ଅଟକାଇ ସଂଗେ ସଂଗେ ଓଡଗାଁ ଥାନା ଏବଂ ବାହାଡାଝୋଲା ଫାଣ୍ଡି ପୁଲିସକୁ ଜଣାଇଥିଲେ l ଖବର ପାଇ ପୋଲିସ ଘଟଣାସ୍ଥଳ ରେ ପହଁଚି ଅଟୋ କୁ ଜବତ କରିବା ସହ ଅଭିଯୁକ୍ତକୁ ଆଇନ ପରିସରକୁ ନେଇଛି l ଫରେଷ୍ଟର ସରିତା ବରାଳଙ୍କ ଏଭଳି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି l ଫରେଷ୍ଟର ସରିତା ବରାଳ ବାହାଡାଝୋଲାରେ ନିଯୁକ୍ତ ହେବା ଠାରୁ ସ୍ଥାନୀୟ ଅଂଚଳରେ କାଠ ମାଫିଆଙ୍କ ଦୌରାତ୍ମ୍ୟ ସାମାନ୍ୟ କମିଛି ll
