କଟକ ( ଆୱାଜ ମିଡ଼ିଆ ) – ପ୍ରିୟବ୍ରତ ପଟ୍ଟନାୟକ : କଟକ ସହର ଧବଳେଶ୍ଵର ମନ୍ଦିର କୁ ସଂଯୋଗ କରୁଥିବା, ମଧୁସୂଦନ ସେତୁ ଉପରେ ପଡିଛି ବ୍ୟବହୃତ ପିପିଇ କିଟ୍ । କରୋନା ସଂକ୍ରମଣ ଭଳି ଘଡିସନ୍ଧି ମୁହୂର୍ତ୍ତରେ ପରିମଳ ବ୍ୟବସ୍ଥା ଉପରେ ଧ୍ୟାନ ଦେବା ନିତ୍ୟାନ୍ତ ଜରୁରୀ । ସେତୁ ଉପରେ ଏପରି ଭାବରେ ବ୍ୟବହୃତ ପିପିଇ କିଟ ପଡିରହିବା ଘଟଣା ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି . ଆଗକୁ କରୋନା ତୃତୀୟ ଲହର ଆସୁଥିବା ନେଇ ସ୍ୱାସ୍ଥ୍ୟ ବିଶେଷଜ୍ଞ ସତର୍କ କରାଇ ସାରିଥିବା ସମୟରେ ମୁଖ୍ୟ ରାସ୍ତା ଉପରେ ପିପିଇ କିଟ ପଡି ରହିବା ଘଟଣା ତଦନ୍ତ ସାପେକ୍ଷ ବୋଲି ସ୍ଥାନୀୟ ଅଞ୍ଚଳରେ ମତ ପ୍ରକାଶ ପାଇଛି ।
