ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ସମସ୍ୟା ଘେରରେ ରହିଛି ଓଡକପା ଗ୍ରାମ . ନୟାଗଡ ଜିଲା ନୁଆଗାଁ ବ୍ଳକ୍ ଅନ୍ତର୍ଗତ ବେରୁହାଁବାରି ପଞ୍ଚାୟତର ଓଡ଼କପା ଗ୍ରାମ । ସର୍ବନିମ୍ନ ସୁବିଧା ନଥିବାରୁ ନାହିଁ ନଥିବା ହଇରାଣ ହେଉଛନ୍ତି ଓଡ଼କପା ଗ୍ରାମବାସୀ । ଏହା ଏକ ସଂପୂର୍ଣ୍ଣ ଆଦିବାସୀ ବହୁଳ ଗ୍ରାମ ହୋଇଥିବା ବେଳେ ବିଭିନ୍ନ ସମସ୍ୟା ସମ୍ପର୍କରେ ପ୍ରଶାସନକୁ ଗୁହାରି କରି କରି ଗ୍ରାମବାସୀ ନିରାଶ ହେଲେଣି . ସବୁଆଡୁ ନିରାଶ ହେବା ପରେ ଶେଷରେ ଗଣମାଧ୍ୟମ ଆଗରେ ଦୁଃଖ ଜଣାଇଲେ ଗ୍ରାମବାସୀ । ଓଡ଼କୋପା ଗାଁ କୁ ନାହିଁ ସ୍ଥାୟୀ ରାସ୍ତା , ଗାଁ କୁ ଯିବାକୁ ହେଲେ କାଦୁଆ , ଢିମା ପଥର ଉପରେ ଅଣ ଓସାରିଆ ଜଙ୍ଗଲିଆ ରାସ୍ତା ଦେଇ ଯିବାକୁ ପଡ଼ୁଛି । ଏ ବାବଦରେ ଗ୍ରାମବାସୀ ନୟାଗଡ଼ ଜିଲାପାଳ , ସ୍ଥାନୀୟ ମଣ୍ଡଳ ଉନ୍ନୟନ ଅଧିକାରୀ ଏବଂ ପଞ୍ଚାୟତ ପ୍ରତିନିଧି ଙ୍କୁ ଜଣାଇ ମଧ୍ୟ କୌଣସି ଫଳ ମିଳିନାହିଁ . ସେମାନଙ୍କ ଅଭିଯୋଗକୁ ନିର୍ବାଚିତ ପ୍ରତିନିଧି ଏବଂ ପ୍ରଶାସନିକ ଅଧିକାରୀ ଅଣଦେଖା କରୁଥିବାର ଅଭିଯୋଗ କରିଛନ୍ତି ଗ୍ରାମବାସୀ । ହେଲେ ଗ୍ରାମର ଏ ବାସ୍ତବ ଏବଂ ଦୟନୀୟ ଅବସ୍ଥା ଦେଖିବା ପରେ ପ୍ରଶାସନ ଏବଂ ସ୍ଥାନୀୟ ବିଧାୟକ ସମସ୍ୟା ପ୍ରତି ଦୃଷ୍ଟି ଦେଇ ସମାଧାନ କରିବେ ବୋଲି ଆମେ ଆଶା କରୁଛୁ ।
