ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳର ଛାତ୍ର କଂଗ୍ରେସ, ଯୁବ କଂଗ୍ରେସ, ଜିଲ୍ଲା କଂଗ୍ରେସ ତଥା କୃଷକ କଂଗ୍ରେସ ତରଫରୁ ମିଳିତ ଭାବରେ ଭାରତ ବନ୍ଦ କୁ ସଫଳ ରୂପ ଦିଆଯାଇଛି । କେନ୍ଦ୍ର ସରକାରଙ୍କର କଳା କୃଷି ଆଇନ କୁ ବିରୋଧ କରିବା ସହ କୃଷକ ଆନ୍ଦୋଳନର ଏକ ବର୍ଷ ପୂର୍ତ୍ତି ଅବସରରେ ଏହି ଆନ୍ଦୋଳନ ଡାକରା ଦିଆ ଯାଇଥିଲା । କେନ୍ଦ୍ର ସରକାର ଙ୍କର କଳା କୃଷି ଆଇନ କୁ ବିରୋଧ କରିବା ସହ ଢେଙ୍କାନାଳର ବିଭିନ୍ନ ସ୍ଥାନ ମାନଙ୍କରେ ଟାୟାର ଜାଳିବା ସହ ରେଳ ରୋକ, ବସ ରୋକ ଆଦି କରାଯାଇଥିଲା । କେନ୍ଦ୍ର ସରକାରଙ୍କର ଏହି ଭଳି କୃଷି ମାରଣ ନୀତିକୁ ଜାତୀୟ କଂଗ୍ରେସ କେବେ ବରଦାସ୍ତ କରିବ ନାହିଁ ବୋଲି ଛାତ୍ର କଂଗ୍ରେସ ସଭାପତି ଶୁଭମ ଦାସ ଦାବି କରିଥିଲେ । କରିହଁ। ବାଇପାସ, କଲେଜ ବାଇପାସ ଠାରେ ରାସ୍ତା ରୋକ କରି ଭାରତ ବନ୍ଦ କୁ ସଫଳ କରାଯାଇଥିଲା । ଆଜିର ଏହି ଭାରତ ବନ୍ଦ ଡ଼ାକରାରେ ଜିଲା କଂଗ୍ରେସ ର ନେତା ପ୍ରେମ ଶଙ୍କର ମିଶ୍ର ଙ୍କ ସମେତ ଅନେକ ସଂଖ୍ୟକ କଂଗ୍ରେସ କର୍ମକର୍ତ୍ତା ଉପସ୍ଥିତ ଥିଲେ ।
