ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ଟାଟା ଷ୍ଟିଲ ଫାଉଣ୍ଡେସନ , ଟାଟା ଷ୍ଟିଲ ମାଇନିଂ ଲିମିଟେଡ଼ ସ୍ଥିତ କlଟେପୂର୍ତ୍ତି ଅଡିଟୋରିଓମ ହଲରେ ଆନ୍ତର୍ଜାତିକ ମହିଳା ଦିବସ ପାଳିତ ହୋଇଯାଇଛି । ଅନୁଷ୍ଠାନ ତରଫରୁ ଖଣି ଅଞ୍ଚଳର ଚାରୋଟି ପଞ୍ଚାୟତର ଦୁଇଶହରୁ ଅଧିକ ମହିଳାଙ୍କୁ ନେଇ ମହିଳା ଦିବସ ପାଳନ କରାଯାଇଛି । ଏହି ଅଞ୍ଚଳରେ ମହିଳାମାନେ ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ କିପରି ସ୍ୱାବଲମ୍ବୀ ହୋଇପାରିଛନ୍ତି ତାହାର କିଛି ଉଦାହରଣ ଏହି କାର୍ଯ୍ୟକ୍ରମରେ ଉପସ୍ଥାପନା କରାଯାଇଥିଲା । କେତୋଟି ମହିଳା ସମିତିର ପ୍ରଚେଷ୍ଟାରେ ସମାଜର ଅନେକ ଗରିବ ମହିଳାମାନଙ୍କୁ ରୋଜଗାରକ୍ଷମ କରାଇ ଥିବାର ଉଦାହରଣ ଦିଆ ଯାଇଥିଲା . ରାଜ୍ୟ ତଥା କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ମାଧ୍ୟମରେ ଟାଟା ଷ୍ଟିଲ ଫାଉଣ୍ଡେସନ ତରଫରୁ ଖଣି ଅଞ୍ଚଳରେ ମହିଳାମାନଙ୍କୁ ସମାଜର ସବୁ ଦିଗରୁ ସଶକ୍ତିକରଣ କରିବାକୁ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ ଟାଟା କର୍ତ୍ତୃପକ୍ଷ । ଏହି କାର୍ଯ୍ୟକ୍ରମରେ ସୁକିନ୍ଦା ବିଧାୟକ ଇଂ. ପ୍ରିତିରଞ୍ଜନ ଘଡେଇ ମୁଖ୍ୟ ଅତିଥି ଭାବେ ଯୋଗଦେଇ, ମହିଳାମାନଙ୍କର ସର୍ବାଙ୍ଗୀନ ଉନ୍ନତି ଦିଗରେ ସବୁ ପ୍ରକାର ସାହାଯ୍ୟ ଏବଂ ସହଯୋଗ କରିବାକୁ ପ୍ରତିଶୃତି ପ୍ରଦାନ କରିଥିଲେ .
