ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ କୁମାର ରଣା : ବାଙ୍କୀ ରେ ମାତିଛି ପାଗଳ ମାଙ୍କଡ଼ । ଅତର୍କିତ ଭାବରେ କରୁଛି ଆକ୍ରମଣ । ବାଙ୍କୀ ନିକଟସ୍ଥ ଗୋପାଳପୁର ଗ୍ରାମରେ ଗତ ଏକ ମାସ ଭିତରେ ମାଙ୍କଡ ଆକ୍ରମଣରେ 20 ରୁ ଉର୍ଦ୍ଧ୍ୱ ବ୍ୟକ୍ତି ଗୁରୁତର ଆହତ ହେଲେଣି । ମାଙ୍କଡ଼ ର ଟେର ପାଉନାହାନ୍ତି ଗ୍ରାମବାସୀ । କେତେବେଳେ ଗ୍ରାମରୁ ଉଭାନ ହେଇଯାଉଛି ତ ପୁଣି କେତେବେଳେ ଗ୍ରାମ ଭିତରକୁ ଆସି କରୁଛି ଅତର୍କିତ ଆକ୍ରମଣ । ଏଭଳି ଘଟଣା ମାସେ ହେଲା ଚାଲିଛି କଟକ ଜିଲ୍ଲା ବାଙ୍କୀ ଡମପଡା ବ୍ଲକ ଅନ୍ତର୍ଗତ ଗୋପାଳପୁର ଗ୍ରାମରେ । ଏକ ପାଗଳ ମାଙ୍କଡ଼ ଗ୍ରାମରେ ଆତଙ୍କ ସୃଷ୍ଟି କରିଥିବା ବେଳେ ଭୟଭୀତ ଅବସ୍ଥାରେ ରହୁଛନ୍ତି ଗ୍ରାମବାସୀ ।
ଅନେକ ଥର ବନବିଭାଗ କର୍ମଚାରୀଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳି ପାରିନଥିବା ଅଭିଯୋଗ କରିଛନ୍ତି ଗ୍ରାମବାସୀ । ପୂର୍ବରୁ ବନବିଭାଗ ମାଙ୍କଡ଼ ଟିକୁ ଗ୍ରାମରେ ଖୋଜାଖୋଜି କରିଥିଲେ ମଧ୍ୟ ଟେର ପାଇନଥିଲେ । ସକାଳୁ ସକାଳୁ ଆଜି ଆଜି ବନ ବିଭାଗ ର ଏକ ଟିମ ଗ୍ରାମକୁ ଯାଇ ମାଙ୍କଡ଼ଟିକୁ ଖୋଜାଖୋଜି ଆରମ୍ଭ କରିଛନ୍ତି । ଏପରିକି ମାଙ୍କଡକୁ ଧରିବା ପାଇଁ ଗ୍ରାମର ଅନେକ ସ୍ଥାନରେ ଯନ୍ତା ବସାଇଛି ବନ ବିଭାଗ । ଅନ୍ୟପଟେ ମାଙ୍କଡ଼ ନଧରିଲେ ବନବବିଭାଗ କର୍ମଚାରୀ ଙ୍କୁ ଅଟକ ରଖାଯିବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି ।
