ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଜେଏସଏସ ତରଫରୁ କୋଭିଡ଼ ପାଇଁ ସଚେତନତା କାର୍ଯ୍ୟକ୍ରମ . ଜନ ଶିକ୍ଷଣ ସଂସ୍ଥାନ ତରଫରୁ ଢେଙ୍କାନାଳର ସଦର ବ୍ଲକ ଅନ୍ତର୍ଗତ ଧୀର ପାଟଣା ଗ୍ରାମପଞ୍ଚାୟତ ପ୍ରାଙ୍ଗଣରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରଥମେ ଜନ ଶିକ୍ଷଣ ସଂସ୍ଥାନ ର ନିର୍ଦେଶକ ମାନସ ରଞ୍ଜନ ଦାଶ, ସରପଞ୍ଚ ବିସ୍ମିତା ବେହେରା ଓ ସମିତି ସଭ୍ୟ ପ୍ରଦୀପ କୁମାର ରାଉତ ଙ୍କ ଦ୍ଵାରା ଦ୍ୱୀପ ପ୍ରଜ୍ବଳନ କରାଯାଇଥିଲା । ଏହି ସଚେତନତା କାର୍ଯ୍ୟକ୍ରମରେ 52 ଜଣ ପ୍ରଶିକ୍ଷାର୍ଥୀ ଓ 2 ଜଣ ଶିକ୍ଷୟତ୍ରୀ ଉପସ୍ଥିତ ଥିଲେ । କୋଭିଡ଼ ର 2 ୟ ଓ 3 ୟ ଲହରୀ ବିଷୟରେ ଶିକ୍ଷାର୍ଥୀ ମାନଙ୍କୁ ସଚେତନତା ବାର୍ତା ପ୍ରଦାନ କରାଯାଇଥିଲା । କରୋନା ମହାମାରିକୁ ଏଡ଼ାଇବା ପାଇଁ କି କି ସାବଧାନତା ଅବଲମ୍ବନ କରିବା ଆବଶ୍ୟକ ସେ ବିଷୟରେ ପ୍ରଶିକ୍ଷାର୍ଥୀ ମାନଙ୍କୁ ସୂଚନା ଦିଆ ଯାଇଥିଲା ।
