ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ସ୍ଥିତି ସଜାଡୁଛି ବାଙ୍କୀ କଂଗ୍ରେସ . ବାଙ୍କୀ ଏନଏସି ର ଯୁବନେତା ରମାକାନ୍ତ ସେଠୀ ଙ୍କ ଘର ବାହୁଡା ପରେ , ଗତକାଲି ଏକ ମିଶ୍ରଣ ପର୍ବରେ ଗୋବିନ୍ଦପୁରର ୱାର୍ଡ ସଭ୍ୟ ବିଧିବଦ୍ଧ ଭାବରେ କଂଗ୍ରେସ ରେ ଯୋଗଦାନ କରିକଲେ . ବାଙ୍କୀ କଂଗ୍ରେସ ନେତା ଦେବାଶିଷ ପଟ୍ଟନାୟକଙ୍କ ଉପସ୍ଥିତିରେ ବାଙ୍କୀ ନିର୍ବାଚନ ମଣ୍ଡଳୀ ରେ ସ୍ୱାଧୀନ ଭାବେ ପ୍ରତିଦ୍ୱନ୍ଦିତା କରିଥିବା ବିଧାୟକ ପ୍ରାର୍ଥୀ ପ୍ରଭାତ କୁମାର ସେଠୀ କଂଗ୍ରେସ ରେ ମିଶିଛନ୍ତି । ଦେବାଶିଷ ପଟ୍ଟନାୟକ ଙ୍କ ନେତୃତ୍ୱକୁ ସମର୍ଥନ କରି ବିଧିବଦ୍ଧ ଭାବେ କଂଗ୍ରେସ ରେ ଯୋଗଦାନ କରିଥିବା ସମୟରେ ତାଙ୍କୁ ଦଳୀୟ ଉତରୀୟ ପକାଇ ଦଳକୁ ସ୍ୱାଗତ କରିଥିଲେ କଂଗ୍ରେସ ନେତା । କଂଗ୍ରେସ ରେ ମିଶିବା ପରେ ଶ୍ରୀଯୁକ୍ତ ସେଠି ରାଜ୍ୟ ସରକାରଙ୍କ ଦ୍ୱାରା ବାଙ୍କୀକୁ ଅଣଦେଖା କରାଯାଉଥିବା ପ୍ରକାଶ କରିଛନ୍ତି । ବାଙ୍କୀ ରେ ବିଜେଡି ଦଳର ବିଧାୟକ ରହିଥିବା ବେଳେ ବିକାଶ ଏଠି ବିପରୀତ ଦିଗରେ ଗତି କରୁଛି ବୋଲି ପ୍ରକାଶ କରିଛନ୍ତି । ଏପର୍ଯ୍ୟନ୍ତ ସ୍ଥାୟୀ ବସଷ୍ଟାଣ୍ଡ , ଶିଶୁ ମାନଙ୍କ ପାଇଁ ଉଦ୍ୟାନ, ବରିଷ୍ଠ ନାଗରିକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ସହ ବାଙ୍କୀ ବଜାରରେ ନିତି ଦିନିଆ ପାନୀୟ ଜଳ ଯୋଗାଣ ବ୍ୟବସ୍ଥା ହୋଇ ପାରିନାହିଁ । ଏହି ମିଶ୍ରଣ ପର୍ବ ରେ ବାଙ୍କୀ ଏନଏସି ୧୩ ନଂ ୱାର୍ଡ ସଭାପତି ଶଙ୍କର ଧଳ ଉପସ୍ଥିତ ଥିଲେ ।
