ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ନଦୀରେ ଭାସି ଯାଇଥିବା ବୃଦ୍ଧଙ୍କର ମିଳୁନି ପତ୍ତା . ଶାଳିଆ ନଈର ପ୍ରଖର ସ୍ରୋତରେ ଭାସି ଯାଇଥିବା ୬୫ ବର୍ଷ ବୟସ୍କ ବ୍ୟକ୍ତିଙ୍କର ୨୪ ଘଣ୍ଟା ପରେ ମଧ୍ୟ ପତା ମିଳୁନି । ତେବେ ବାଣପୁର ଅଗ୍ନୀଶ୍ରମ ବାହିନୀ ଦ୍ଵାରା ସର୍ଚ୍ଚ ଅପରେସନ ଜାରି ରହିଛି l ସୂଚନା ଅନୁସାରେ ଗତକାଲି ଖୋରଧା ଜିଲ୍ଲା ବାଣପୁର ଅଞ୍ଚଳରୁ ଜଣେ ବୟସ୍କ ବ୍ୟକ୍ତି ଶୌଚ ପାଇଁ ନଈକୁ ଯାଇ ପାଣିର ପ୍ରଖର ସ୍ରୋତରେ ଭାସି ଯାଇ ନିଖୋଜ ଅଛନ୍ତି । ବାଣପୁର ବ୍ଲକ୍ ତୁମୁରପୁଟ ପଞ୍ଚାୟତ ମାଣିକପୁର ଗ୍ରାମର ଚରଣ ବେହେରା ଶୌଚ ନିମନ୍ତେ ଗାଁ ନିକଟରେ ଥିବା ଶାଳିଆ ନଈ ର ଜାମୁଆ ତୁଠ କୁ ଯାଇଥିଲେ । ଶୌଚ ସମୟରେ ଜଳର ପ୍ରଖର ସ୍ରୋତରେ ଭାସିଯିବା ପରେ ସ୍ଥାନୀୟ ଲୋକମାନେ ସଙ୍ଗେ ସଙ୍ଗେ ଖବର ଦେଇଥିଲେ ଅଗ୍ନିଶମ ବିଭାଗକୁ । ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟ ରେ ଲାଗିଥିଲେ । ଗତକାଲି ଠାରୁ ୨୪ ଘଣ୍ଟା ବିତି ଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ଖୋଜ ଖବର ମିଳୁନି , ଆଜି ସକାଳୁ ପୁନର୍ବାର ଅଗ୍ନିଶମ ବିଭାଗ ସ୍ଥାନୀୟ ପୋଲିସ ଓ ଗ୍ରାମବାସି ଙ୍କ ମିଳିତ ସହଯୋଗରେ ଚାଲିଛି ସର୍ଚ୍ଚ ଅପରେସନ l ଅନ୍ୟପଟେ ପରିବାର ଲୋକ ଓ ଗ୍ରାମବାସୀ ଙ୍କ ମଧ୍ୟରେ ଖେଳିଯାଇଛି ଶୋକାକୁଳ ପରିବେଶ . ୨ ଦିନ ହେଲାଣି ଘରେ ଲାଗୁନି ଚୁଲି ନଈ ପଠାରେ ଶୁଭୁଛି ପରିବାର ଲୋକଙ୍କ କାନ୍ଦ ବୋବାଳୀ l
